Iphini likamqeqeshi we-Orlando Pirates uMandla Ncikazi lithi akuphelile ngombango wesicoco seBetway Premiership noma bethole isibhaxu sika 2-0 kwiMarumo Gallants ngoMgqibelo.
IGallants ijabhise abalandeli abaningi beBucs iyifaka induku eFree State Stadium ebigcwele phama.
IPirates isisele ngamaphuzu awu-18 kwiMamelodi Sundowns esesicongweni kodwa uNcikazi uthi badinga ukunqoba imidlalo yabo esesandleni, akuphelile ngesicoco seligi.
Umphumela wayizolo ushiye Ezimnyama zilandela iMamelodi Sundowns ngemuva ngamaphuzu awu-18, kodwa uNcikazi uthi basengayifica.
“Angifuni ukuyibuka ngendlela yokuthi sebekude kakhulu. Asinqobe imidlalo yethu [esesandleni] – sisekhona embangweni wesicoco.
“Siyiqembu elikhulu ngokwanele ukubuya kulokhu kuphazamiseka.”
UNcikazi uthe usamningi umsebenzi okusafanele bawenze ebhokisini uma behlasela ngoba bakhe inqwaba yamathuba abahluleke ukuwasebenzisa izolo.
NgoLwesithathu iBucs izobhekana neChippa United e-Eastern Cape ngo-19.30.