Umdlali wasesiswini kwiManchester United uCasemiro uthi uselala obenyoni ngenxa yendlela abasele ngayo kumaqembu enza kangcono kunabo kwiPremier League.
IMan United isele ngamaphuzu awu-22 kwi-Arsenal esesicongweni. Isele ngamaphuzu awu-11 kwi-Aston Villa nakwiTottenham abakunombolo 4 no-5.
Kuzokhumbuleka ukuthi uCasemiro ufike wasiza leli qembu laqeda kunombolo 3 ngesizini edlule. Ngaphambi kokujoyina i-United ubujwayele ukuzidlela izicoco kwiReal Madrid, okusho ukuthi abhekene nakho kwi-United kusha kuye.
“Ukusala ngamaphuzu awu-20 kuombolo 1…kwesinye isikhathi akulaleki ngicabanga ukuthi yini esingayenza ehlukile. Isona simo engibhekene naso leso. Akusizi ukucabanga nesicoco seligi nangokungena kwiChampions League manje, kumele sicabange ngomdlalo olandelayo ngamunye.”