Lisaqhubeka nokuvala ama-comments iGagasi FM ekhasini lalo kwi-Facebook njengoba namanje lisagqilazwa abalandeli bakaPenny Ntuli abalokhe belibuze njalo ngenkontileka kaR2,800.
Kuleli sonto uMapheniza (okuyigama abalandeli bakhe ababuye bambize ngalo ezinkundleni), uqale umsebenzi omusha kwiJozi FM. Uqale ngonyawo oluhle kulesi siteshi njengoba elekelele amakhasi alo ezinkundleni akhule. KuFacebook nje iJozi FM, okuyisiteshi somphakathi esizinze eSoweto, isuke kubalandeli abangaphansi kuka-70,000, yafinyelela kwabangaphezulu kuka-250,000.
IGagasi, elisabalandeli abangaphezulu kuka-890,000 kuFacebook, lithwele kanzima kule nkundla njengoba abantu besaqhubeka nokubuza ngoPenny. Abanye batinyela abasakazi beGagasi uma kufakwa amavideo abo.
IGagasi kule mpelasonto lizoba nomcimbi omkhulukazi iDubane Summer Break ezobe iqukethe abaculi okubalwa kubo u-Uncle Waffles, Nasty C, uGatsheni, DJ Le Soul, Goldmax, nabanye.
Amathikithi omcimbi abiza uR300.