IReal Madrid isimemezele ukuthi isiboleke umgadli uJoselu kwi-Espanyol kulandela ukushiya kukaKarim Benzema.
UJoselu (33) ubolekwe isizini eyodwa kodwa iMadrid icele nokuvunyelwa ukumthenga uma kuphela isizini uma izinto zihambe kahle kule sizini.
IMadrid ayivamile ukuthenga abadlali abaneminyaka engaphezulu kuka-30, kodwa njengoba emnyakeni edlule abadlali sebekhombisa ukuhlala ezingeni eliphezulu baze basondele kwiminyaka ewu-40, iMadrid iqoke ukumthatha lo mdlali.
UJoselu, onqobe iNations League neSpain ngempelasonto, uvalele amagoli awu-16 emdlalweni ewu-34 ngesizini edlule kwiLaLiga. Uke wazama inhlanhla kwiPremier League eminyakeni edlule edlalela iNewcastle United kodwa izinto azimhambelanga kahle.
Okwamanje imibiko ikhomba ukuthi iMadrid isahlela ukusayinisa omunye umgadli osezingeni eliphezulu ozovala isikhala sikaBenzema, njengoHarry Kane, kodwa kungenzeka ilinde kuze kushaye uJanuary ngaphambi kokuthi imlande ngenxa yemali efunwa yiTottenham Hotspur.