Umqeqeshi waMaZulu uBrandon Truter usezwakalise ukukhathazeka ngodonga lwakhe lwasemuva ngaphambi komdlalo wabo wesemi-final neKaizer Chiefs kwiMTN8.
Usuthu selungenelwe amagoli awu-8 kwimidlalo ewu-8 kule sizini kwiDStv Premiership. Ngesikhathi esifanayo avalele amagoli awu-8 kuphela, okusho ukuthi naphambili ikhona inkinga yokungawavaleli amagoli.
“Sikhathazekile ngamagoli esiwangenisayo. Singenisa igoli elilodwa kumdlalo ngamunye, okuyinto ewakhathazayo amaqembu afuna ukulwela izicoco.
“Sidlala ekuhambeni, sifuna ukubuya sihamba phambili. Uma sithola igoli, sizozisondeza kowamanqamu,” usho kanje.
Ngesikhathi AmaZulu ebhekana neChiefs kumdlalo weligi eFNB Stadium umdlalo waphela ngo 0-0. Lo mqeqeshi uthi iChiefs isiyishintshile indlela edlala ngayo ngenxa yomgadli uBonfis-Caleb Bimenyimana, ngakho ulindele umdlalo ohlukile.