Inkakha ye-Inter Milan ne-Ajax Amsterdam, uWesley Sneijder, ithi iChelsea imoshe imali ithenga uMarc Cucurella noWesley Fofana.
USneijder ubeke lo mbono ngemuva kokudliwa kweChelsea ngo 2-0 ibhekene neReal Madrid kwi-quarterfinal ye-UEFA Champions League ngoLwesithathu.
ULampard uthuse abaningi efaka uCucurella kulandela ukulimala kukaKalidou Koulibaly kulo mdlalo
“Ubani ofaka umdlali onje? (ebuza ngokufakwa kukaCucurella)
“Kunenqwaba edlala njengaye…kufana noWesley Fofana abamsayinise ngo-€80 million, bayimoshe ngempela ke imali laphho. Ngicabanga ukuthi izobankulu ingcindezi yokudlalela iqembu elinjengeChelsea kuye njengamanje” usho kanje.
Abahlaziyi abaningi bagxeka uFofana ngegoli lesibili elivalelwe yiMadrid kwazise langena esahuqa ubuthongo efunda amanothi ayewabhalelwe wuFrank Lampard kuqala umnyakazo owaholela kwigoli.