Usejoyine iRichards Bay FC uSiyethemba Sithebe ongomunye wabadlali abakhonjwe indlela kwiKaizer Chiefs njengoba kulungiselelwa isizini entsha.
USithebe udedelwe noKeagan Dolly, Njabulo Ngcobo, Sifiso Hlanti noJasond Gonzalez.
Ngemuva kwezindaba zokuxoshwa kwakhe imenenja yakhe ikhalazile ngendlela iChiefs esingathe ngayo udaba lwakhe kwazise kuphele isizini esengomunye wabadlali abebethola isikimu.
Ngokombiko weFARPost uSithebe kusheshe kwamlungela kwiBay, ephekwa wuVusumuzi Vilkazi njengoba izama ukuqinisela isizini ka-2024/25.
Noma bedayisele iStellenbosch FC uSanele Barns, iBay imatasa nokusayinisa abadlali kulezi nsuku. Omunye umdlali esanda kumsayinisa wuNtsako Makhubela, owayesebenza noVilakazi besakwi-Arrows ngaphambi kokuthi ajoyine i-Orlando Pirates.