Kungenzeka kuphele isonto sekucacile ngekusasa likamqeqeshi weSekhukhune United uBrandon Truter okuvela ukuthi usengcupheni yokukhonjwa indlela.
UTruter uthi akanalo ulwazi ngekusasa lakhe yize sekuvele imibiko ethi uzoxoshwa kungekudala eqenjini.
IBabina Noko ishaya udaka kwiDSTV Premiership njengoba isanqobe imidlalo emithathu kuphela kwelishumi. ISekhukhune ihleli endaweni ka-11 kwiligi, ingaphambili ngamaphuzu amahlanu kwiRichards Bay ekunombolo 15.
Ukuhlulwa yiTS Galaxy ngo 2-0 ngempelasonto kushiye imibuzo ngekusasa likaTruter oseke wasikaza ukushiya emasontweni adlule.
ISekhukhune yagcina ukunqoba kwiligi ngomhlaka 20 kuSepthemba ishaya iRoyal AM ngo 1-0 ekuhambeni.
“Anginalo ulwazi, akukho osekukhulunywe nami. Akekho engikhulume naye eqenjini. Kunzima ukuphendula uma ubhekisisa umphumela wangeSonto.
Angikaze ngizwe lutho yize ungichazela ngemibiko egcwele ezinkundleni zokuxhumana. Kunzima ukuphawula. Siqede kwi-top 8 ngesizini ephelile.
Sifinyelele kowamanqamu weNedbank Cup, sangena kumaqoqo eCAF Confederations Cup. Sengilinde kubona okuzokwenzakala,” kuchaza uTruter ekhuluma nabeSowetan.
Ngokombiko kaRobert Marawa, iphini likaTruter uMorgan Gould nomqeqeshi