Isiphekepheke somdlali we-Orlando Pirates, uMonnapule Saleng, sesidalule ukuthi ukujima njalo okusenza sidlale kahle kule sizini.
USaleng uphinde waqoqa enye indondo ye-man of the match elekelela ezakhe zishaya iMaritzburg United ngo 2-1 ngoLwesihlanu odlule.
USaleng kule sizini usevalele amagoli awu-9 wathola nama assist awu-4 kuyo yonke imqhudelwano.
Ekhukuma ngokumenza adlale ezingeni eliphezulu kule sizini ubeke kanje: “Indlela engiziqeqesha ngayo, yindlela engidlala ngayo. Angiphumuli. Ngihlala ngiziqeqesha, ngisho nasekhaya. Ngifuna ukuhlale ngidlala ezingeni eliphezulu. Ngifuna ukwenza kahle kuyo yonke imidlalo.”
USaleng uqhuba ancome nozakwabo ngokumgqugquzla ukuthi aqhubeke azithuthukise njengomdlali.
“Ozakwethu abadala kunami bahlale bengigqugquzela. Bayabona ukuthi ngifuna ukuya kude kangakanani, kuyangijabulisa ukudlala nabo.”
IPirates isinqobe imidlalo emine kwemihlanu edlule, osekuyibeke endaweni yesithathu kwi-log yeDStv Premiership.