IWydad Athletic Club isiqalile ukwethula uRulani Mokwena kubalandeli bayo njongomqeqeshi omusha weqembu.
Namhlanje ifake ivideo enejazi asedume ngalo kwiCAF Champions League uRulani.
Kulindeleke ukuthi ethulwe kwabezindaba namhlanje ngo-7 kusihlwa. Lo mqeqeshi usanda kwehlukana neMamelodi Sundowns ngemuva kokunqoba izicoco ezimbili kulandelana.
NaseMorocco uMokwena uzobhekana nomsebenzi wokuwinisa iqembu isicoco seligi, abuyisele iqembu kwiCAF Champions League engeke idlale kuyo ngesizini ezayo. IWydad iqede kunombolo 5 ngesizini edlule, okuyihlazo.
Ngokwemibiko uMokwena uzosayina inkontileka yeminyaka emibili.