Umqeqeshi we-Orlando Pirates uJose Riveiro uthi kuzobakhuphulela ukuzethemba kubanikeze nomfutho ukushaya iSuperSport United ngempelasonto.
IPirates inqobe lo mdlalo ngepenalty evalelwe wuTapelo Xoki esiwombeni sesibili. Isisele ngamaphuzu amabili kwiSSU ehleli kunombolo 2 kwilog yeDStv Premiership.
“Kuzikhuphula ukuzethemba kubadlali kodwa kusasele amaphuzu awu-31 okumele siwalwele. Nginesiqiniseko sokuthi iSuperSport izolwa kuze kube sekugcineni.
“Namanye amaqembu angaphansi kwethu nawo azowathola amathuba (okuhlala kunombolo 2), ngilindele ukuthi ishube imidlalo emithathu yokugcina kule sizini.”
Amaqembu azoya ekhefini emasontweni amabili ezayo njengoba kuzobe kudlala amazwe. Ngemuva kwekhefu iPirates izobhekana neRichards Bay eKing Zwelithini Stadium ngo April 1.
URiveiro uthe ikhefu libanikeza ithuba lokuphumula kancane kodwa kuningi okufanele bakwenze ukulungiselela umdlalo neNatal Rich Boyz.