Umqeqeshi weSuperSport United uGavin Hunt uzwakalise ukuphoxeka ngokudliwa kwezakhe zibhekene ne-Orlando Pirates ngoMgqibelo kodwa uthi bazovuka bazithathe.
Ukudliwa kwaMatsatsantsa kusondeze iPirates neChiefs kunombolo 2 obangwayo njengoba usuqala ukushisa umbango wokungena kwiCAF Champions League ngesizini ka-2023/2024.
ISuperSport iwashiya ngamaphuzu amabili amaqembu aseSoweto, isazobhekana neChiefs ngoMay 13.
Ekhuluma ngemuva komdlalo uHunt ubeke kanje: “ngiphoxekile kakhulu, kodwa lokho kuyingxenye yebhola. Sekube nama-penalty ambalwa anikezwe amaqembu esibhekene nawo kule sizini. Ngiphoxile kodwa kulungile.
“Sodlale kahle. Sifake inqwaba yamabhola ebhokisini kodwa sahluleka ukukora. Singakhuluma usuku lonke ngomdlalo wanamhlanje, ngiyaziqhenya ngabadlali bami.”