Umqeqeshi we-Orlando Pirates uJose Riveiro uthi ufuna ukubuya namaphuzu amathathu kwiSoweto Derby kusasa.
IChiefs nePirates bazobhekana kusasa ngo-15.30 ntambama eFNB Stadium. Uma inqoba iPirates izokhuphukela kunombolo 2 uma iRichards Bay neSuperSport bengabuyi namaphuzu aphelele emdlalweni yabo.
Ekhuluma nabezindaba ngaphambi kwalo mdlalo uReveiro uthe bafuna ukuqeda ngegiya eliphezulu ngaphambi kwekhefu leNdebe yoMhlaba.
“Sidinga amaphuzu amathathu, sifuna ukuqeda uhhafu wokuqala wesizini siphezulu kwi-log. Umdlalo wabakhaya umdlalo okhethekile kodwa ekupheleni kosuku sifuna ukuqoqa amaphuzu amathathu.
“Ukunqoba kuzokhuphula ukuzethemba eqenjini lethu,” usho kanje.
Emdlalweni emithathu edlule phakathi kwalawa maqembu iPirates ikhale ngaphansi.