Umdlali weKaizer Chiefs, uKeagan Dolly, usephendule ukugxekwa kweqembu emasontweni ambalwa edlule ngokubhacaza.
Ngemuva komdlalo weMTN8 abakhishwa kuyo AmaZulu, yayisematheni inkulumo yenkakha yeqembu uDoctor Khumalo, egxeka abadlali beChiefs ngokungabi sezingeni elifanele ukumela leli qembu.
Ekhulu esithangamini sabezindaba izolo uDolly uthe akekho umdlali ongena enkundleni efuna ukuboza.
“Angicabangi ukuthi ukhona umdlali ongena enkundleni engafuni ukudlala kahle. Isizini yonke izinto ziza kahle, kodwa sisahlalelwe wumsebenzi wokwenza kangcono, kunabadlali abasha abasadinga ukujwayela. Kumele silungise izinto ezimbalwa lapha nalaphaya ngenxa yamaqembu esibhekana nawo.
“Uma sesizilungisile lezo zinto sizoyinqoba imdlalo. Siyawakha amathuba inkinga ukuvalela ibhola enethini.”
Amakhosi azobhekana nePirates kusasa ngo-15:30 ntambama eFNB Stadium.