Intatheli Yezemidlalo
Usethole ikhaya elisha kuMaZulu FC umdlali odume ngemijiko enkundleni owazakhela udumo kwiBlack Aces nakwi-Orlando Pirates, uThabo Qalinge. Lo mdlali emasontweni edlule ubeziqeqesha naleli qembu laseThekwini emasontweni edlule kanti sekucacile ukuthi kunento ayibonile kuye uBenni McCarthy.
Heebe!
— AmaZulu FC (@AmaZuluFootball) March 31, 2021
Jersey #47 in the Usuthu area! Let’s give Thabo Qalinge a warm welcome he deserves 💚#HebeUsuthu #UsuthuTogether pic.twitter.com/CEC70vBGmo
AmaZulu asekuqinisekisile ukuthi uQalinge usayine inkontileka yeminyaka emibili ngemuva kokucishe ahlanganise unyaka engalazi ibhola elikhokhelayo. Lo mdlali usayine inkontileka ezomgcina kuMaZulu kuze kuphele isizini, kodwa asangakwazi ukumgcina eminye iminyaka emibili…uma echazekile umqeqeshi.