Umqeqeshi omusha weKaizer Chiefs, uMolefi Ntseki uzwakalise ukuugculiseka ngakubone kubadlali bakhe emdlalweni wabo neYoung Africans ngoMgqibelo, uthi kukhona abakuphekayo.
IChiefs igcine idliwe ngo 1-0 kulo mdlalo odlalelwe phambi kwabalandeli abawu-60 000 beYanga eBanjamin Mkapa Stadium.
“Uma ubuka indlela esidlale ngayo ngesiwombe sokuqala nendlela esidlale ngayo kwesesibili, kukhona into esiyiphekayo, kukhona esikulungisayo. Ngicabanga ukuthi siza kahle uma ubuka indlela esidlale ngayo ngaphandle kwebhola,” kusho uNtseki ngemuva komdlalo.
UNtseki uthe okwamanje usalungiselela isizini entsha ngakho ngeke abajahe abadlali ukuthi baqale ukukhiqiza imiphumela enkundleni.
Kuko mdlalo uNtseki unikeze nabadlali abasha beChiefs ithuba lokuziveza; kudlale uGiven Msimango, Thatayaone Ditlhokwe noPule Mmodi. URanga Chivaviro akadlalanga ngenxa yokulimala.