Umdlali obuye abe wumqeqeshi wonozinti kwiMamelodi Sundowns, uKennedy Mweene, uthi kufanele unikezwe uRonwen Williams umklomelo wePSL Footballer of the Season noweGoalkeeper of the Season.
UWilliams ujoyine iSundowns ngaphambi kokuqala kwesizini ka-2022/2024, wabeka ebhentshini unozinto weDowns onamava uDennis Onyanga.
Njengamanje ukapteni weBafana Bafana unama-clean sheet awu-16 kule sizini, ushoda ngeyodwa ukuze afice irekhodi likaMoeneeb Joseph langesizini ka-2010/2011.
Engxoxweni neGOAL uMweene ubeke kanje ngoWilliams: “Kuningi akwenzele iqembu kule sizini. Mangaki nje ama-clean sheet awagcinile? Mangaki ama-penalty awavimbile?
“Wenza iqembu liwine ngoba uke avimbe ibhola zibambene ngo 0-0, bese iSundowns ishaya igoli ekugcineni inqobe ngo 1-0. Kumfanele ukuba wumdlali ovelele.”
Ebuzwa ngabanye abadlali abashaye into ecokeme kwiSundowns kule sizini njengoTeboho Mokoena, Peter Shalulile noCassius Mailula ngokunjalo noMonnapule Saleng we-Orlando Pirates, uMweene uthe uhamba noWilliams.