Umgadli weCape Town City obashaya amakhanda abagadli bakuleli kwiPSL, uKhanyisa Mayo, ugcine engenile esikwatini sakamuva seBafana Bafana esimenyezelwe wuHugo Broos namhlanje.
Emasontweni edlule uBroos ubeshaya phansi ngonyawo uma ebuzwa ngalo mdlalo ethi akakafiki ezingeni lokumela iqembu lesizwe. Okukhalisa abaningi ngokungabizwa kukaMayo nokho kuhambisana nokubizwa kwabagadli be-Orlando Pirates abalizwa ngendaba ipala u-Evidence Makgopa noZakhele Lepasa.
UMayo usevalele amagoli awu-9 kule siinzini. Omunye umgadli abaningi ababefisa abekhona esikwatini se-AFCON, uo-Iqraam Rayners (7) naye ugcine ebiziwe.
Omunye umdlali osekunesikhathi engqongqoza emnyangweni weBafana wuPatrick Maswanganyi, oshaye into ecokeme iPirates idlala neKaizer Chiefs ngempelasonto.
IBafana izobhekana ne-Andorra emdlalweni wobungani ngo-21 March, bese ilandela nge-Algeria ekuhambeni ngo-26 March.
Le midlalo izosetshenziselwa ukulungiselela imidlalo yokuhlungela iWorld Cup njengoba iBafana izobhekana neNigeria ngoJune 3 bese idlala neZimbabwe ngoJune 24.
Isikwati seBafana esiphelele:
