Inkakha yeKaizer Chiefs neBafana Bafana, uDoctor Khumalo, isidlulise amazwi okubonga kwingwazi yebhola lakuleli uStanley ‘Screamer’ Tshabalala odlule emhlabeni izolo.
Ngokwesitatimende se-Orlando Pirates, uTshabalala (75) udlule emhlabeni kulandela isigameko sokudutshulwa esenzeka ngoMashi nonyaka.
UShabalala ubesesibhedlela ubesesibhedlela ezinyangeni ezedlule ezama ukwelapha amanxeba okudutshulwa kodwa kugcine kumenele.
“23 August 2023…usuku engigcine ukukubona ngalo. Wasibiza ukuthi sizodla isidlo sasemini ngingazi ukuthi usuyavalelisa Bra Stan.
“Ngizohlale ngikubonga. Ube wumqeqeshi wokuqala ukungiqokela eqenjini lesizwe, iBafana Bafana, ngo-1992. Umqeqeshi wokuqala ukuwina umdlalo wobungani weNingizimu Afrika. Angikaze ngibe namahloni ukukubonga esidlangalaleni. Ngakwenza nangesikhathi sigcina ukubonana, ngikanye noDr Ramathesele.
“Siyabonga Bra Stan ngakho konke obuyikho nangakho konke okwenzile. Phumula ngokuthula, Lala ngoxolo Mshengu.”