IYIQALE kahle imidlalo ye-Women Africa Cup of Nations (WAFCON) iBanyana Banyana iguqisa iNigeria ngo 2-1 emdlalweni wayo wokuqala kulo mqhudelwano. IBanyana inqobe ngamagoli ashaywe wuJermaine Seoposenswe (61′) noHiddah Magaia (63′) Ngalo mphumela iBanyana iqhwakele kuGroup C ngemuva komdlalo wokuqala. EleNigeria lishaywe wuRasheedat Adibaje ngesikhathi esengeziwe.
Ekhuluma ngemuva komdlalo umqeqeshi weBanyana Banyana uDesieree Ellis uzwakalise ukujabula nge-win yabo.
“Balandele wonke amaqhinga ebesiwahlelile ngaphambi komdlalo. Sithole amaphuzu amathathu abalulekile, siqale ngonyawo oluhle,” usho kanje.
“Alikho iqembu esizolibukela phansi ngoba onke aqinile. Usungemuva kwethu umdlalo weNigeria, sesizogxila kolandelayo.”
Ngaphambi kwalo mdlalo iBanyana ibisanqobe kabili kuphela emdlalweni edlule neSuper Falcons.
IBanyana izobhekana neBurundi ngoLwesine ngo-7 ebusuku emdlalweni wayo olandelayo kwi-WAFCON.