Iyaqina imibiko ekhomba uKevin De Bruyne kwiSaudi Pro League uma sekuphele inkontileka yakhe kwiManchester City.
Lo mdlali (33) usehlale iminyaka esondele kweyishumi e-Etihad kulindeleke ukuthi avalelise kuleli qembu ekupheleni kwesizini ka-2024/25.
Ngokwemibiko yakamuva lo mdlali usevumelene ne-Al Ittihad okuthiwa izomnikeza imali enhle. Leli qembu liphelwa ngowayengumdlali weManchester United uLaurent Blanc kanti liphethe abanye abadli abazakhele amagama e-Europe esingabala kubo u N’Golo Kante, Karim Benzema noFabinho.
Noma ifake izindodla zemali kuleli qembu iPublic Investment Fund yaseSaudi Arabia, i-Al Ittihad iqede kunombolo 5 ngesizini edlule, isale ngamaphuzu angaphezulu kuka-40 kwi-Al Hilal ephinde yanqoba isicoco seligi.