Usihlalo weCape Town City uJohn Comitis useveze ukuthi lilodwa iqembu laseGuateng elimbuze ngokusayinisa umgadli uKhanyisa Mayo eminyakeni embalwa edlule.
Ngaphambi kokuqala kwale sizini uMayo uke wamataniswa namaqembu aseGuateng ambalwa ezinkundleni zokuxhumana kodwa uComitis useveze ukuthi linye kuphela iqembu elimthintile ngalo mdlali.
“Iqembu elike lafuna ukumsayinisa yiSundowns ngicabanga ukuthi sekwadlula unyaka yazama ukukwenza lokho. IChiefs ayikaze isithinte ngalo mdlali,” usho kanje engxoxweni neFARPost.
UMayo (25) usematheni kulezi nsuku njengoba ehamba phambili ngamagoli kwiPSL kubagadli baseNingizimu Afrika kanti nokubizwa kwakhe esikwatini sakamuva seBafana Bafana kushayelwe ihlombe.
Lo mdlali unenkontileka ezophela ngo-2028 kwiCape City.