Umqeqeshi weBanyana Banyana uDesiree Ellis uthi bazoyimangaza i-Italy emdlalweni wokugcina kuGroup G abadinga ukuwunqoba ukuze badlulele kwi-last 16 kwiNdebe yoMhlaba.
IBanyana idinga amaphuzu aphelele ukuze izibeke ethubeni lokuqhubekela phambili, kumele imincele nokuthi iSweden ishaye i-Argentina ukuze ingaphazamiseki.
23 💚💛🇿🇦#BeyondGreatness #FIFAWWC pic.twitter.com/2dS06dgTC4
— Banyana_Banyana (@Banyana_Banyana) July 31, 2023
Ubeke kanje u-Ellis ngaphambi kwalo mdlalo ongo-9 ekuseni kusasa: “Siyazi kuzoba wumdlalo onzima. Bazobe bezama ukuvikela abanakho, thina sizobe sifuna amaphuzu amathathu.
“Uwafa wafa womdlalo, sibheke ukunqoba kuphela. Sisebenze kanzima siqhamuka namasu okubalimaza. Ngeke ngikudalule esiqhamuke nakho kodwa sibona kuzosisiza sithole umphumela esiwufunayo.”