Sphamandla Gumede
Ufisa ukukhulisa inkampani yakhe yezobuchwepheshe ibe ngenye yezinkulukazi e-Afrika, ezophinde iphucule izimpilo zabantu usomabhizinisi waseThekwini uSiphesihle Gumbi.
UGumbi unguMqondisi wenkampani ye-Information Technology i-Innovative Technology Solutions, ezinze esifundazweni iKwaZulu-Natal.
Lenkampani isiza amakhasimende ngokuwakhangisela imikhiqizo ezinkundleni zokuxhumana nasezimakethe za-online. I-Innovative Technology Solutions iphinde yenze ama-logo namakhadi amabhizinisi ngaphezulu kokusungulela ezinye izinkampani ama-websites nama-mobile applications.
UGumbi uthi waqala ukuthanda i-IT esafunda emabangeni aphansi esikole.
“Ngiqale ukuthanda i-IT ngisafunda isikole kodwa isifundo sayo besibizwa ngeComputer Applications Technology. Uthisha wami wayehlezi engikhuthaza ethi nginekhono elimangazayo. Bengibahlula bonke esikoleni kusukela kwa-grade 11 kuya kumatikuletsheni,” kubeka uGumbi.
IWebsite ye-Innovative Tech iwuphethe wonke umsebenzi osuwenziwe uSiphesihle Gumbi
UGumbi ulandele ngokuphothula izifundo zeComputer Applications and Information Technology eNyuvesi yaKwaZulu-Natal (UKZN). Losomabhizinisi uke wasebenza njengomsunguli weJava eminyakeni eyedlule, okuyisipiliyoni esimvulele amathuba kulomkhakha, wavukelwa intshisekelo yokuqala lenkampani.
“Ngifisa ukukhulisa lenkampani ibe ngenye yezinkulu e-Afrika. Ngingathanda ukunyusa izinga ngokusungula ezinye izindlela zobuchwepheshe okubalwa kuzo ibio-metric, RFID Technology namacebo azokwenza impilo ibe lula,” kusho uGumbi.
UGumbi uthi kwamjabulisa ukumenywa njengesikhulumi esiqavile emcimbini owawuhlelelwe ukukhuthaza intsha ngo-2018. UGumbi uthi wayehleli nomsakazi weGagasi FM u-Alex Mthiyane noNgqongqoshe wezeMfundo uKwazi Mshengu njengezimenywa.
Uthi ukubheduka kwesifo iCovid-19 kuphazamise izinhlelo zakhe kodwa ibhizinisi seliqalile ukusimama njengoba besebenzela emakhaya ukusiza amakhasimende.
Amanye ama-websites asungulwe uGumbi abhalwe ngezansi:
http://keydimension.co.za/http://sizakahleiyouth.co.za/
http://www.mahlanzethusi.co.za/
https://proactivecovid19solutions.co.za
https://helpamatriculant.co.za/
USiphesihle Gumbi uyatholakala kule-email: sihlegumbi@novtech.co.za
Iwebsite ye-Innovative Technology Solutions ibhalwe ngezansi: www.novtech.co.za