Umnikazi weRichmond United, egijima kwiHollywoodbets Super League, u-Amichad Amsterdam, usezwakalise ukuphoxeka ngokusala kukaNgthabiseng Majiya esikwatini seBanyana Banyana esizodlala kwiFIFA Women’s World Cup.
UMajiya, obe yiYoung Player of the Year kulandelana kwiSuper League ugcine engeke ohlwini lwabadlali abathathu okuthiwa ba-on standby, bazobizwa uma kukhona umdlali olimalayo. Lo mdlali ubeyingxenye yesikwati esinqobe i-Africa Women’s Cup of Nations ngonyaka odlule.
“UMajiya uzoyibuka ekhaya iWorld Cup…ngokwami ukubona bamfake kuhlu lwabasangabizwa uma kukhona olimalayo njengendlela yokumduduza. Ukwenza lento kwingane eneminyaka ewu-19 kungayilimaza,” kusho u-Amsterdam.
Uthe kungaba ngcono ukube ubezohamba nesikwati ahlale naso ngesikhathi isaqhubeka iWorld Cup kunokuthi abuye kuleli esuka e-Australia/New Zealand.
Abanye abadlali abasalile abanqobe i-AFCON oRegirl Ngobeni, Janine Van Wyk, Thalea Smidt, no-Amogelang Motau.