Imenenja yeBafana Bafana uVincent Tsaka isiveze ukuthi bazigolozela kabi izintatheli zaseMorocco azizingafuni ukubabona bejabulela iNingizimu Afrika ngoLwesibili ebusuku.
UVincent Tseka uveze lokhu ekhasini lakhe kuTwitter ngoLwesine ntambama.
“Sinqabile ukuhlukunyezwa yizintatheli zaseMorocco. Zazingafuni sijabulele ukugeja kwabo ipenalty,” kusho uTseka.
We refused to be bullied by Moroccan journalists. They didn't want us to celebrate when they missed the penalty. pic.twitter.com/56Jh16byH9
— Vincent Tseka 2 (@tseka_vincent) February 1, 2024
Udalula lokhu nje enye intatheli elandela ezemidlalo e-Africa uMicky Jnr naye embikweni wakhe ezinkundleni zokuxhumana uthi wazibona ngo-see izintatheli zaseMorocco zihlukumeza abaseNingizimu Afrika abebehleli eduze nabo. Embhalweni wakhe waveza nokuthi ezinye zazikhwifa amathe.
IMorocco ithumele inqwaba yezintatheli e-Ivory Coast njengoba ibithwelwe ngeqoma abaningi beyibona izodla umhlanganiso. Akuyihambelanga kahle nokho njengoba igcine ikhishwe yiBafana kwi-last 16 ngoLwesibili ebusuku.
Khonamanjalo, i-International Sports Press Association isiyigxekile indlela ezinye izintatheli eziziphathe ngayo kulo mqhudelwano njengoba kuthiwa zibuye zilwe zodwa.