Owayengumdlali we-Ajax neNetherlands, uQuincy Promes, ubhekene nezinsolo zokushushumbisa izidakamizwa e-Europe.
UPromes, obegijima kwi-Ajax phakathi kuka-2019 no-2021, ujoyine iSpartak Moscow ngo-2021 kodwa usabhekene nezinkinga eNetherlands.
Uphiko lwezokushushisa eNetherlands likuqinisekisile ukuthi uPromes usolwa ngokuzama ukungenisa izigaxa zecocaine (650kg, 713kg) esikhumulweni sezindiza e-Antwerp ngo-2020.
Kubikwa ukuthi uma isidayisiwe le-cocaine yayizokwenza imali ebalelwa ku£65million. NgoMsombuluko kuzolalelwa icala ngaphambi kokuthi kubekwe izinsuku zokuqulwa kwalo.
Ngaphandle kwalezi zinsolo lo mdlali uphinde asolwe ngokugwaza umzala wakhe edolweni. Abashushisi baseNetherlands bafuna aboshwe iminyaka emibili ngalelo cala aliphikayo. Empeleni abashushisi babefuna aboshelwe icala lokuzama ukubulala kodwa bagcina bekuhoxile, baphakamisa ukuthi aboshelwe icala lokulimaza.