Umengamel weSAFA, uDanny Jordaan, uthi kusukela ngesizini ezayo amaqembu azodlala kwiCAF Champions League kumele abe neqembu labesifazane.
Sekunesikhathi iCAF idingida udaba lwamaqembu anganawo amaqembu abesifazane njengoba le nhlangano izama ukukhulisa ibhola labesimame e-Afrika.
“Kusukela ngesizini ezayo, iCAF izobeka umthetho wokuhi uma ufuna ukudlala kwiChampions League kumele ube neqembu labesifazane. Amaqembu alwela indawo yesibili kwiDStv Premiership kumele aqonde ukuthi uma eyithola kuzomele abe neqembu labesifazane ukuze ezovunyelwa ukudlala kwiChampions League.”
Ngesizini edlule uJessica Motaung weKaizer Chiefs waveza ukuthi bamatasa balungisa indaba yokuba neqembu labesifazane kodwa akavezanga ukuthi lokhu bazokwenza nini.
Kumaqembu agijima kwiDStv Premiership iMamelodi Sundowns, Royal AM neTS Galaxy kuphela abanamaqembu abesifazane agijima kwiHollywoodbets Super League.