Ukhalelwe ngamasongo kaSigonyela owesifazane oneminyaka ewu-48 osolwa ngokubulala indodana yakhe ekhubazekile wayinquma ikhanda.
Lo wesifazane ogama nguStephina Sefekwane Chuene uvele enkantolo yemantshi ePolokwane ngoMsombuluko nangoLwesibili kuleli sonto kulandela ukuboshelwa ukubulala indodana eneminyaka ewu-18.
“Uzogcinwa esitokisini kuze kube u-May 16, 2024 lapho ezofaka khona isicelo sebheyili,” kusho uphiko lwezokushushisa esitatimendeni.
“Uboshwe kulandela ukutholwa kombiko ngokubulawa kowesilisa ngoLwesihlanu May 3, ngezithuba zabo-13:00 esigodini saseLeshikishiki. “
Ngesikhathi amaphoyisa efika endaweni yesigameko, eduze kwendawo yokucima ukoma, afice isidumbu somfana oneminyaka engu-18 sishumpulwe ikhanda sidindilize esihlalweni sakhe esinamasondo.
Uphenyo lwamaphoyisa luwaholele kunina womfana, waboshwa.