IMamelodi Sundowns isheshe yathola umthobanhliziyo ikhishwa kuma-semifinal eCAF Champions League iFIFA iqinisekisa ukuthi izoba ngelinye lamaqembu amane azomela i-Afrika kwiFIFA Club World Cup ngonyaka ozayo.
ISundowns iginqwe yi-ES Tunis ngo 1-0 eLoftus Versfeld (2-0 agg), okuphoxe inqwaba yabalandeli abadele imvula ukuze beyobuka lo mdlalo.
IFIFA imemezele ukuthi i-ES Tunis neSundowns bazibekisele indawo ngomphumela wayizolo, kanti bazojoyinwa yi-Al Ahly neWydad.
ISundowns kulindeleke kuthi ithole uR1 billion ngokudlala kulo mqhudelwano osuzofana neWorld Cup yamazwe ngokwesibalo samaqembu azodlala.