Basazofa ukuminca abaqeqeshi bamaqembu ase-Europe anabadli abazithandela imali njengoba iSaudi Pro League iveze ukuthi lizovalwa ngoLwesine iwindi lokusayinisa abadlali.
Kunenqwaba yabadlali abasuke e-Europe bajoyina amaqembu eSPL njengoba engomacaphuna kusale. Kulabo badlali kubalwa uKarim Benzema, N’golo Kante, Fabiano, Jordan Henderson, Sadio Mane nabanye.
I-Al Ittihad isanethemba lokusayinisa uMoh Salah emfuna kabi. Umqeqeshi weLiverpool usanda kuphawula kulolu daba waveza ukuthi ngeke bamdayise uSalah ngoba abakwazanga ukuthola umdlali ongavala isikhala sakhe uma kungathiwa uyahamba.
Ngemuva komdlalo wangempelasonto abawunqobe ngo 3-0 uKlopp uveze ukuthi ubengakhathazekile ngezindaba ezikhomba lo mdlali eSaudi.
“Bengingakhathazekile ngoba indaba esiyizwa kwabezindaba leyo. Nginedeski elikhulu ehhovisi lami, kuneqwaba yamaphepha, ama-laptop ne-ipad, konke angikusebenziseli lolu hlobo lwezindaba. Kunezinto eziningi kabi engimatasa nazo, angikaze ngiyicabanga leyo.”