IManchester City inqobe isicoco sePremier League okwesine kulandelana ishaya iWest Ham ngo 3-1 e-Etihad Stadium ngeSonto ntambama.
ICityzens iphule izinhliziyo zabalandeli abaningi be-Arsenal abasebethembele kwiHammers ukuthi okungenani ibambe iCity ngedraw ukuze banqobe isicoco.
Abafana bakaPep Guardiola basheshe bakhombisa ukuthi abazile ukuzodlala nezingane uPhil Foden evalela igoli lokuqala ngomzuzu wesibili umdlalo uqalile. UFoden ushaye elesibili ngomzuzu ka-18, kodwa kubuye amathemba abalandelibe-Arsenal kukora uMohamed Kudus, wabeka umdlalo ku 2-1 ngaphambi kwekhefu.
ICity ibuye yaqhubeka ngegiya ebikulo, ngokushesha yaphinde yathola inethi uRodri ekora ngomzuzu ka-59.
He is him.
— Manchester City (@ManCity) May 19, 2024
🩵 2-0 ⚒️ #ManCity pic.twitter.com/bJPpkjhN4H
IMan City isazobhekana neMan United kowamanqamu weFA Cup ngoMqgibelo eWembley Stadium.