Imenenja kaTerrence Mashego isidalule ukuthi iKaizer Chiefs kanye ne-Orlando Pirates bazama ukugojela lomdlali ngaphambi kokuthi kufike iSundowns eyakhipha imali eshisiwe.
UPontsho Maduna ubekhuluma noThabo Mosia izolo ebusuku, wadalula ukuthi izinkunzi zaseSoweto zazimfuna lomdlali.
“IChiefs, Pirates neSundowns yiwona amaqembu ayefuna ukusayinisa uMashego.
ISundowns yafika kwiCape Town City isikulungele ukuthenga umdlali, elinye iqembu lagcina lingavumanga ukukhokha imali eyeyicelwa iCity,” kubeka uMaduna.
IDowns igcine iwukhokhile uR10 million owacelwa yiCity. UMaduna uthi iSundowns yaqala ngokubuza ngesimo somdlali ngaphambi kokukhokha.