Umqeqeshi weMamelodi Sundowns uRhulani Mokwena uthi akamangali uma ebona umqeqeshi we-Al Ahly uMarcel Koller ekhalaza ngethimba leVAR ngoba usekujwayele ukuthi i-Al Ahly iyakhononda uma ihluliwe.
UKoller wakhala ngokuncishwa iphenathi emlenzeni wokuqala owanqotshwa iDowns ngo 1-0 ePitoli ngeSonto.
Lomeqeshi wasola ithimba leVAR ngokuziba isigameko sephenathi ngesikhathi uPercy Tau ethintwa unozinti weDowns uRonwen Williams.
Ekhuluma nabezindaba eCairo ngoLwesibili, uRhulani ukubeke obala ukuthi i-Al Ahly ayikwazi ukwamukela ukuhlulwa, kunalokho incamela ukuvika ngonompempe.
“Ngiyathuka ngoba i-Al Ahly ihlezi ikhononda. Ngaphambi komdlalo womlenze wokuqala, bakhononda ngokuthi umdlalo wawuzoqala ngehora lesithathu.
Maseko is a very dangerous player. The future looks bright at Mamelodi Sundowns for the 19 yr old. 💛💛💛 pic.twitter.com/a4ZLXI8rk2
— Buciie. 🇿🇦 🔥🔥 (@Mshikashikaa) October 30, 2023
“Okuxakayo ukuthi nabo banelungelo lokuqoka isikhathi somdlalo womlenze wesibili. Asikaze sikhononde ngalokho. Bajwayele ukukhononda ngonompempe uma behluliwe.
“UJose Mourihno wathi uma iqembu elikhulu lisuke selilahlekelwa ububanzi uma selibeka izaba uma lihluliwe. Ngiyathemba angeke sikubone nge-Ahly lokho ngoba bayiqembu elikhulukazi e-Africa.
“Umhlaba wonke ubuka i-Ahly njengeqembu elimele i-Afrika. Ngiyabuza ukuthi yini inhloso yezikhalazo ngoba nami ngizibhale phansi izigameko eziyekelwe unompempe,” kuchaza uRhulani.
Lamaqembu azotholana emlenzeni wesibili we-African Football League eCairo namuhla eCairo International Stadium.