Kuleli sonto ngiqoka iPremier League Team of the Season njengoba sekusele kancane isongwe isizini ka-2022/2023.
Baningi abadlali abangichazile kwiPremier League kule sizini, ikakhulukazi kumaqembu athathwa njengamancane njengeBrighton & Hove, Brentford, Fulham neCrystal Palace.
Labo badlali bahle impela kodwa abadlali engingathi kumele bacuthelwe amaqembu akwi-top 6, okwamanje naba abadlali engingathi babe yilento ephezulu ekhekheni kule sizini:
Formation: 4-4-2
Goalkeeper
Ngiyazi baningi abazokhuluma kodwa noma axetshulwa ngamagoli awu-7 ebhekene neLiverpool, uDavid De Gea unqobe iGolden Glove kule sizini edlala kudonga kweMan United olubuye luvuze, hhayi kancane. Omunye unozinti ongidlalele kahle kule sizini uNick Pope weNewcastle United.
Defenders
KuRight back ngikhetha uBen White ogijima kwi-Arsenal. Lo mdlali ube nesizini enhle kwiGunners noma iphucwe iqatha emlomeni kwisicoco seligi. Ubeyingxenye yodonga lwe-Arsenal oludlale kahle ngaphambi kokulimala kukaWilliam Saliba.
KuLeft back ngizoqoka uLuke Shaw noma ebebuye adlale ku-CB kule sizini, ngokwami abekho baningi oleft back abadlale kahle njengaye kule sizini. Ocishe asondele wuPervis Estupinan weBrighton & Hove.
KuCentre back ngihamba noRuben Dias weManchester City noWilliam Saliba oshaye into ecokeme kwi-Arsenal ngaphambi kokulimala.
Midfielders.
Esiswini ngingabeka uKevin De Bruyne onqobe isicoco neMan City, noBruno Guimarães obeyingxenye enkulu yokubuyela kweNewcastle United kwi-UEFA Champions League. Lo mdlali ukube iBrazil yamsebenzisa kwiWorld Cup mkhulu umehluko ayezowenza.
Ohlangothini lwesokunxele ayixoxisi, ngikhethe uBukayo Saka. Akekho umdlali odlala ileft wing on ileft forward ofike kulo mdlali kule sizini. Kolunye uhlangothi ngiqoke uzakwabo uGabriel Martinelli ovalele amagoli awu-15 nama-assist amahlanu kule sizini.
Forwards
Phambili ngiqoke ibhunu laseNorwary, u-Erling Haaland. Uvalele amagoli awu-36 kwiPremier League kule sizini. Ngibeke nomgadli weTottenham Hotspur uHarry Kane eceleni kwakhe kwazise naye ubeyihlukumeza inethi noma ozakwabo bebezibozela kule sizini.
