Intatheli yezemidlalo
AmaZulu aseyichithile imibiko ayimatanisa noRoland Putsche odume kwiCape Town City eminyakeni eyedlule.
Kusukela uBenni McCarthy athatha izintambo kuSuthu, uPutsche ungomunye wabadlali olokhu ekhonjwe eThekwini kwazise babesebenza ndawonye kwiCity.
Okhulumela AmaZulu uBrilliant Mkhathini uthi lokhu kungamampunge.
“Ngike ngalubona udaba lukaPutsche kweminye imibiko ebhalwe ezinkundleni zokuxhumana kodwa akaze efike ezozilolonga nathi. Asikaze sixhumane naye, angeke asayinise yiqembu,” kubeka UMkhathini ecashunwa yiSowetan.
UPutsche, ongowokudabuka e-Austria untula umsebenzi kusukela ashiya kwiCity ngo-2020.
UMkhathini uqinisekise ukuthi UThabo Qalinge ukhona ejimini, uzilolonga neqembu.