AmaZulu FC asememezele izindaba zokuboleka uSifiso Ngobeni kwiMamelodi Sundowns kuze kuphele isizini ka-2023/2024.
UNgobeni (26) kulindeleke ukuthi abange isikimu noRiaan Hanamub ofunwa amaqembu aseGauteng, kanti abanye sebeqalile ukuhlawumbisela ukuthi lo mdlali waseNamibia sekucacile uzohamba uma kuphela isizini.
UNgobeni, oke walimala eqakaleni ngo-August, ulizwa ngendaba ijezi kwiDowns njengoba esadlale imidlalo emibili kwiligi kule sizini, nakhona esuka ebhentshini. Kule sizini usadlale imizuzu emibili kwiDStv Premiership.
Sifiso Ngobeni has completed his loan move from @Masandawana to Usuthu. We're delighted to have you here with us, Sifiso 🤝🏾#Indlulamithi#HebeUsuthu#UsuthuTogether pic.twitter.com/weVXcpftMC
— AmaZulu FC (@AmaZuluFootball) January 15, 2024
Uma ehamba kuMaZulu uHanamub kulindeleke ukuthi Usuthu luzame ukugcina uNgobeni uma kuphela isizini.
Lo mdlali akaqali ukubolekiswa ngoJanuary njengoba nangesizini ka-2021/2022 wajoyina iSuperSport United wahlala kwase kwaphela isizini.