I-Orlando Pirates isishichilele isitatimende ichitha izindaba zokuthi iPSV isiqale izingxoxo nayo ngokuthenga uRelebohile Mofokeng ngoR120 million (amanye amaziko ezindaba athi uR100 million).
Owayengumgadli weKaizer Chiefs uCollins “Ntofontofo” Mbesuma, uthi kuzomsiza ukuqhulula amagoli zisuka umgadli omusha waMakhosi uFlavio Silva, kungenjalo uzobhekana nenkinga.
Ukapteni omusha weKaizer Chiefs u-Inacio Miguel usencome ikhono alibona kubadlali abavela kwi-reserve team yaMakhosi abala kubo uNaledi Hlongwane athi uzoya kude ebholeni.
Usihlalo weRoyal AM obebuye abonakale elithinta enkundleni kwimidlalo yePSL, u-Andile Mpisane, usezogxila emsebenzini wasehhovisi njengoba unina uShauwn Mkhize esewumnikazi omusha weMbabane Highlanders.
Umqeqeshi omusha wompetha weMC Alger engompetha base-Algeria, uRulani Mokwena, uthi bese kusele kancane athathe isinqumo sokuhlaba ikhefu isizini yonke ngesikhathi ethola umsebenzi kuleli qembu.