Sekusabalale izinsolo zokuthi i-ANC iphoqwe yiDA ukuthi ihoxise uMnuz Mxolisi Kaunda kwesobuMeya eThekwini.
Lokhu kuvezwe wumholi we-Action SA eKZN, uMnuz Zwakele Mncwango ekhasini lakhe kuFacebook ngoLwesithathu ebusuku kulandela izindaba zokususwa kukaKaunda kwesobuMeya.
“Ngizwa kuthiwa yiDA ephoqe i-ANC ukuthi isuse uKaunda kwesobuMeya eThekwini. Ngike ngakuso lokhu, uhulumeni wokubambisana ophakathi kweDA, ANC ne-IFP uzokwenza ngendlela efunwa yiDA kuphela,” ubhale kanje.
“Kuthiwa i-ANC, DA ne-IFP bazobambisana ekuphatheni umasipala weTheku. Kodwa iqiniso ukuthi inkinga ebhekene nedolobha akuyena umuntu oyedwa, yi-ANC yonke.
Uqhube wathi uzishaya isifuba ngokuthi i-Action SA ayikho kulezi zingxoxo, futhi izoqhubeka ibe yiqembu eliphikisayo.
“Uma iMK ithi akuxoshwe uRamaphosa bathi ngeke betshelwe elinye iqembu, kodwa DA ikwazi ukubakhiphisa uMeya wabo…” kuphetha uMncwango.