Umqeqeshi weKaizer Chiefs, u-Arthur Zwane, uthi ukhathazekile ngokushweba kwezakhe amagoli kwiDStv Premiership. Amakhosi asavalele amagoli amane kuphela emdlalweni eyisithupha kwimidlalo yeligi. Kulawo magoli, elilodwa kwaba yiphenathi. Ngempelasonto edlule iChiefs ibambane naMaZulu FC ngo 0-0 eFNB Stadium.
“Ngikhathazekile ngendlala yamagoli, ikakhulukazi uma sidlala ekhaya. Ngabe kuhlukile ukube asiwakhanga amathuba anele (kumdlalo waMaZulu) kodwa sakhe amathuba anele okungenani ukuvalela amagoli amabili. Kuyishwa ukuthu asikwazanga. Lokho kodwa kuyasigqugquzela njengamaqeqeshi ukuthi sizame ukuthola isisombululo kule nkinga.”
IChiefs izobhekana neMarumo Gallants, nayo enenkinga yokuvalela amagoli, ngeSonto ngo-3 ntambama.