Ukapteni weGolden Arrows, uThabani Zuke, uthi ngeke ithole ngisho iphuzu elilodwa kubo iKaizer Chiefs kule sizini. Abafana Bes’thende bazohlangana neChiefs ngoMgqibelo ntambama (15:30) eMoses Mabhida kumdlalo okulindeleke ukuthi ushube.
Ngesizini edlule i-Arrows ishaye iChiefs kabili kwiligi, bekungokokuqala ikwenza lokho selokhe yaqala ukudlala esigabeni esiphezulu sePSL.
Ekhuluma neDiski Times ngaphambi komdlalo wakusasa, uZuke uthe nakulokhi bazoyifaka induku iChiefs.
“NangoMgqibelo sizoyipjhinida. Siphinde sibashaye nangoFebruary (February 18) kowesibili weligi. Ukushaya iChiefs kukhuphula ukuzethemba, sidinga amaphuzu manje ngoba sesingena esigabeni sesibili semidlalo izinto zizoqala ukushuba,” kuchaza yena.
“Uma singashaya iChiefs kuzosikhuphulela ukuzethemba ngoba sizolandela ngeSuperSport neminye imidlalo…”