Usesindile ezembeni ebelimbheke emehlweni u-Erik ten Hag kwesokuqeqesha iManchester United. Ngokwemibiko evela e-UK, i-United isigcine ikhethe ukungamxoshi uTen Hag ngaphambi kwesizini ka-2024/25.
Kuvela ukuthi umsebenzi wakhe uhlengwe wukunqoba iFA Cup ngenyanga edlule, okuyinto ayenza ngokushaya iManchester City kowamanqamu.
Abaningi babengawulindele lo mphumela kwazise iMan United ibhacazile kule sizini. Iphume ekuseni kwiChampions League, yaqeda kunombolo 8 kwiPremier League.
You've voted our final goal in May as the best ❤️
— Manchester United (@ManUtd) June 2, 2024
Go on then, Kobbie: let's have just one more look… 👑#MUFC pic.twitter.com/Qgb1CjL9ZV
Kubikwa ukuthi abasebenzi be-United abangaphansi kwe-INEOS, ephethe ukuqondiswa kwebhola kwi-United, bawushayela ihlombe umsebenzi owenziwa wuTen Hag ngaphansi kwezimo ezinzima.
I-United ibhekane nenkinga enkulu yokulimala kwabadlali njengoba abadlali okubalwa kubo uLuke Shaw, Raphael Varane, Martinez, Malacia, Maguire, nabanye, bebehlushwa ukulimala kule sizini.