IFootball Association yase-England isole umgadli weBrentford obegqilaza inethi kule sizini, u-Ivan Toney, ngokuba nenkinga yokugembula. Lo mdlali osanda kumiswa izinyanga eziwu-8 ebholeni kuvela ukuthi ubebhejela ngisho imidlalo yamaqembu ayewadlalela, isikhathi esiningi ethi azodliwa.
Kwesinye isikhathi kuthiwa wayebuye abheje ukuthi uzojora emdlalweni. Konke lokhu ukwenze ngo-2017 nango-2018.
“Kunama-bets awu-13 uToney awathatha ebhejela ukuthi iqembu lakhe lizodliwa phakathi kuka-August 2017 noMarch 2018.
“UToney akadlalanga kuleyo mdlalo.”
“Uphinde wabheja izikhawu eziwu-15 ukuthi uzokora kwimidlalo ewu-9 ehlukene ayedlala kuyo.”
Kuvela ukuthi lo mdlali uwavumile amacala abesolwa ngawo, yikho egixabezwe ngokumiswa izinyanga eziwu-8 ebholeni. Akavumelekile ngisho nokujima neBrentford ngalesi sikhathi.