Useqale impilo entsha eGoli obengumsakazi weGagasi FM, uPenny Ntuli, osewumsakazi weJozi FM. Kulo msakazo uPenny unikezwe uhlelo olubizwa ngeThe Mid-Morning Chat, alungena ngo-9 kuya ku-12. Uqale ukuzwakala kulesi siteshi ngoLwesibili, ngibhala lolu daba nje silalele uhlelo lwakhe.
Ememezela lezi zindaba kubalandeli bakhe, ubeke kanje uMaNtuli: “I woke up at 5AM today. Excited for my first day at work today. Please welcome me to JOZI FM 105.8 (Channel 878 on DSTV) . I’ll be on your Radio every Monday to Friday on the Mid Morning Chat Show between 9-12”
Kuma-comments ekhasini lakhe kuFacebook uqhube waphendula abebemgxeka ngokujoyina isiteshi somphakathi esuka kwesikhulu.
“For those who say moving from Commercial to Community Radio is a downgrade are the same people abaphilela ukuMaintaner a status. To those abami nami, cha ngyayazi into engizele eGoli. I promise not to disappoint. Sizokwakha & Sizophanta.”
Okwamanje akucaci noma umsebenzi otholwe wuPenny uhlanganiswe yi-Action SA, emthembise umsebenzi ngeledlule, noma kuvele amadlelo aluhlaza esadlula esimeni sika-R2,800.