Umqeqeshi weMamelodi Sundowns, uRulani Mokwena, ushiye amazwi ambalwa ngesikhundla sakhe esisha eqenjini ebesiphethwe uManqoba Mngqithi.
URulani umenyezelwe njengomqeqeshi imkhulu weSundowns ngemuva kokukhishwa kwayo kwiMTN8 ishaywa yi-Orlando Pirates ngo 3-0.
Ekhuluma nabeSuperSport TV ngaphambi komdlalo wabo neMaritzburg United uRulani uphawule kanje ebuzwa ngalesi sikhundla: “Cha akukho okunye engizokusho ngaphandle kokuthi isinqumo seqembu, iqembu libaluleke ukudlula thina sonke. Esifuna ukukwenza manje ukuqhubekela phambili, sijabulise abalandeli beYellow Nation ngoba konke esikwenzayo sikwenzela iqembu.”
Ebuzwa ngezinguquko azenzile eqenjini uRulani uthe bazenzele ukuphumuza abadlali.