Isiphekepheke somdlali we-Orlando Pirates, uVincent Pule, sesiveze ukuthi babheke ukubuyela kwiCAF Champions League ngesizini ezayo.
UPule ngempelasonto uvalele igoli lakhe lokuqala kwiligi kule sizini iPirates ishaye iMarumo Gallants ngo 2-0 ePeter Mokaba Stadium.
Alikho iqembu elibukeka lisazofica iMamelodi Sundowns kwiligi nokho njengoba isihamba phambili ngamaphuzu awu-31.
UPule uthi sebegxile ekuqedeni kwindawo ezobabeka kwiChampions League.
“Okwamanje sifuna ukuqinisekisa ukuthi sidlala kahle kuwo wonke umdlalo. Sifuna ukudlala kwiCAF Champions League ngesizini ezayo. Sifuna ukuqinisekisa ukuthi siyangena kuyo. Sikumjaho wethu sodwa, asiwanakile amanye amaqembu,” kusho uPule engxoxweni neSowetanLIVE.
Njengamanje indawo yesibili isabanjwe yiRichards Bay FC eshiya iPirates ngamaphuzu amathathu kwilog.
IPirates izobhekana neSundowns kule mpelasonto.