Omacaphuna kusale ebholeni lakuleli, uMamelodi Sundowns, inabadlalia abathathu abajahana bodwa embangweni weGolden Boot.
UPeter Shalulile (29), obe yi-top goal scorer ngesizini edlule evalela amagoli awu-23, ukunombolo 1 ngamagoli awu-9 asewavalelile kule sizini. Ngempelasonto uphinde wakora beshaya iSekhukhune United.
Ngemuva kwakhe kulandela omunye umdlali weSundowns obolekwe iChippa United, u-Etiosa Godspower Ighodaro (24) onamagoli awu-7. IChippa ngempelasonto inqobe ngegoli elivalelwe yilo mgadli waseNigeria ishaya iMaritzburg United ngo 1-0.
Abanye abagadli abanamgoli ayisikhombisa wuCaleb Bimenyimana (Kaizer Chiefs) noBradley Grobler weSuperSport United.
kwi-top 5 kuphinde kuvele uCassius Mailula (21) osenamagoli ayisithupha kwisizini yakhe yokuqala kwiDStv Premiership.
UMailula ulandelwa wuNeo Maema (27) osenamagoli awu-5 kule sizini nakuba edlala esiswini.