Ukapteni weCroatia uLuka Modric usegxeke unompempe wase-Italy uDaniele Orsato nge-penalty ayinikeze i-Argentina izolo.
Ipenalty ivalelwe wu-Lionel Messi ngomzuzu ka-34, yalandelwa amanye amagoli amabili kaJulien Alvarez.
“Angithandi ukukhuluma ngonompempe kodwa lo wanamhlanje ubhedile kakhulu…ngokubona kwami bekungeyona ipenalty leya,” kusho uModric ngemuva komdlalo.
“Noma kunjalo ke kodwa angifuni ukuphazamisa injabulo ye-Argentina. Ipenalty isibulele. Kumele sibuyise ukuzethemba ngaphambi kokudlalela indawo yesithathu.
“I-Argentina bekuyifanele ukunqoba, badlale kangcono kunathi kodwa lezi Zinto kumele ngizikhulume,” usho kanje.
Nomdlali weChelsea, uMateo Kovaci, uhambe phezu kwamazwi akapteni wakhe ethi badliswe yi-penalty.
Namhlanje kuzobhekana i-France noMorocco kwisemifinal yesibili ngo-9 ebusuku.