Umqeqeshi weMamelodi Sundowns uManqoba Mngqithi uthi abalandeli beKaizer Chiefs bathole umthoba nhliziyo ngokinikezwa amafulegi amahle eFNB Stadium.
ISundowns inqobe ngo 2-1 eFNB Stadium ebigcwele phama, yakhuphukela esicongweni seBetway Premiership ngamaphuzu angu-9.
IBafana Ba Style ivuke yazibutha ngemuva kokungenelwa yigoli ngomzuzu ka-8 elishaywe uRanga Chivaviro. Kuyiwe ekhefini isihamba phambili ngamagoli amabili iDowns, ashaywe u-Iqraam Rayners noLucas Ribeiro.
“Ngiyabonga kubalandeli bethu abafike ngobuningi bezokweseka iqembu. Nabalandeli beChiefs batheleke beyinqwaba, nalokho siyakubonga.
“Noma umphumela ungayivumanga iChiefs kodwa nabalandeli bebegqishe ngakuyo. Izihlwele zizobuyela emuva namafulegi amahle, ngiyawathanda nami lamafulegi abo, ngiyabonga,” kuchaza uMngqithi ekhuluma nabeSuperSport TV.
IDowns isiyoze idlale kwiligi ngomhlaka 27 ku-Okthoba uma isibhekene nePolokwane City ePeter Mokaba Stadium.