Kungenzeka athushuke kwiSwallows FC u-Ernst Middendorp njengoba engasekho uDylan Kerr.
ISwallows ixoshe uKerr ngoLwesithathu njengoba bekubhimba imiphumela eqenjini lakhe.
USihlalo weqembu uDavid Mogashoa wabizela uKerr emhlanganweni ophuthumayo ngoMsombuluko ngemuva kwesibhaxu sika 4-0 abasithola kwiGolden Arrows.
Bekubukeka sengathi uKerr usindile ezembeni njengoba eqhubeka nokuhola iqembu ejimini ngoLwesibili.
Kuvela ukuthi uMogashoa usebona kungcono alande uMiddendorp ukuze ezotakula iqembu lakhe eliphikwa yimiphumela.
UMiddendorp uyabonakala kweminye yemidlalo eNingizimu Afrika kanti angeke abe nenkinga yamaphepha okusebenza.